Tayyar Article

كتب رايان حرب إبن الشهيد داني حرب:

١٢ سنة بعد معركة عرسال… ما شفنا حدا تحاسب.
المجرمين كلّن برا!!!

أول قسم فلّ سنة ٢٠١٧ بالباصات، تاني قسم فلّ سنة ٢٠٢٦ كمان بالباصات، وتالت قسم رح يطلع من السجن بالأيام والسنين الجاية.

اليوم، وبعد ١٢ سنة من هالمعركة الوسخة، عماد جمعة عم يحتفل بخروجه من السجن، وأبو مالك التلي عم يكزدر بسوريا، ما كأنّه في شهداء، ما كأنّه في عسكريين انخطفوا، ولا كأنّه صارت أي معركة بسببن.

كرمال مين استشهدوا ضباطنا وعسكرنا؟
كرمال دولة بتعفي عن قتلة جيشها وشعبها؟
كرمال دولة وين المجرم بيعمل وزير أو رئيس حزب؟
كرمال دولة وين قائد جيش متل جان قهوجي بيبيع الجرود لداعش وبيعمل ثروة عَ ضهر المؤسسة العسكرية؟
كرمال دولة وين رئيس الجمهورية و قائد جيش سابق بيبيع تضحيات رفقاته بشطبة قلم؟

١٢ سنة مرقوا… والسؤال بعده متل ما هو: وين المحاسبة؟ ووين العدالة؟

يُذكر أن العقيد الشهيد داني جوزف حرب هو ضابط في الجيش اللبناني، استشهد خلال المواجهات التي خاضها الجيش ضد المجموعات الإرهابية في معركة عرسال مطلع شهر آب (أغسطس) 2014