جمعية "أنت رفيقي" المكرّمة شهداء المقاومة اللبنانية تستنكر أفعال الصقر: "الولد العاق بيجيب المسبّة لأهلو"!

وضعت جمعية "أنت رفيقي" المهتمة بتكريم شهداء المقاومة اللبنانية والتي أنشأت مزارات وكنيسة في طبريه، منشوراً على صفحتها استنكرت فيه ما فعله ابراهيم الصقر لجهة وضع أعلام قواتية فوق مزار سيدة مديغوريه.
يذكر أن الجمعية بادر إلى تأسيسها قائد المغاوير السابق في القوات اللبنانية ابراهيم حداد مع مقاتلين سابقين، ويحيون ذكرى الشهداء بقداس سنوي.

وجاء في المنشور على صفحتهم:
"عرفنا من يومين إنو في مجموعة برفقة ابراهيم الصقر زاروا مزار إمنا العذرا بمديغورية، اللي شيدتو جمعية أنت رفيقي، فرحنا للخبر وباركنا الزيارة. بس لما عرفنا وشفنا على صفحة ابراهيم الصقر إنو حاطت أعلام القوات، استغربنا وتسألنا ، إنتوا جايين بزيارة حج ولا جايين خصوصي لتحطوا أعلام القوات، مش المهم شو العلم ولمين وحتى لو كان علم الفاتيكان مش مسموح ينحط ع المزار وفوق تمثال العذرا، وخاصةً نحنا كاتبين بالعربي ممنوع لمس المزار، مكان للتأمل والصلا، وما كتبناها باللغة الأجنبية لإنو منعرف إنو الأجانب ما بيمدو إيدن ع شغلة مش عاملينا أو إلن خصة فيها.


وأضافت الجمعية: "كنت بتمنى ع ابراهيم الصقر يحترم الموقع ويكتفي بالصلا ويترك شهداءنا بين إيدين العدرا بعاد عن كل المهاترات السياسية . وخاصةً إنو في كتير صفحات ع التواصل الإجتماعي عم تستنكر وتشتم وتهاجم الصقر ولمن ينتمي.

وختمت الجمعية بالقول: اليوم نحنا رجعّنا المزار لحالتو الطبيعية متل ما كان قبل الزيارة، ورح نقول صدق المثل اللي قال:الولد العاق بيجيب المسبّة لأهلو.