الخوري: أسمعوا صريخ الناس... كل الناس!!!

أسمعوا صريخ الناس... كل الناس!!!

وبدل ما تضلّوا تفتّشوا على حلول من نوع پريز الكهربا من قبرص وأخباركن الهيوليّة من تركيا، ركزوا على حلول واقعية وقابلة للتنفيذ.

شغّلوا المعامل الجديدة الموجودة بالزوق والجية، واعطوا المواطنين 12 ساعة كهربا بتعرفة الدولة الواقعية.

قولوا للناس الحقيقة يلّي كلّكن بتعرفوها.

قولولن رحتوا تفتشوا بالسر على المعامل الموقتة لتستعينوا فيها!

ولحدّ ما تقتنعوا إنّ استنهاض قطاع الكهرباء بدّو خطة علمية واضحة وفهم تقني واقتصادي وبناء معامل وتطوير شبكات نقل ومحطات تحويل وخط غاز وFSRU تماماً مثل ما كان طارح التيار بخطته من ال 2010 يلي عرقلتوا تنفيذها بكيدية سياسية واضحة، المولدات عم تكفّي شغل الدولة، لمصلحة الاستفادة الخاصة، تماماً متل موضوع السدود والمياه.

يمكن لأنكن كنتوا مصيفين،

ما صرلكن تنتبهوا إنو الناس عم تعاني من العطش، ومن عتمة الكهرباء وارتفاع أسعار المحروقات!

الإفادة الوحيدة من وجودكن بهيدي الحكومة، متل كل تمثيلكن الوزاري السابق، انو فضيحتكن بفضايح.

قلة شغل وكترة حكي!!