رد عنيف من نجم كتيلي على وقاحة ميشال حلو: "استغليت منبر منعتبرو صادق لتعيد علك موقفك المُزري"!

بلغت وقاحة ميشال حلو مبلغاً دفعته للهجوم على التيار الوطني الحر في مناسبة عامة، امام نائبة رئيس التيار الوطني الحر مارتين نجم كتيلي، في سلوك غير معتاد في مناسبات مماثلة.
وقد سارعت نجم كتيلي للرد عليه على وسائل التواصل الإجتماعي، فكتبت:
"للأسف يا ميشال حلو، استغليت منبر منعتبرو صادق، لتعيد علك نفس موقفك المُزري من التيار، وفلّيت مسرعاً متخفِّفاً قبل ما تسمع الجواب، ولَما تسمعوه!
سماع منيح.
قبل ما توزّع شهادات بالوطنية والسيادة على الناس، وتحديداً على الأشراف والأحرار منّن، يا ريت بتنشّط ذاكرتك شوي لتتذكّر إنو السياسة بلبنان إلها ذاكرة، وإنو عيلتك الكريمة كانت جزء من الحياة السياسية بمرحلة الوصاية السورية، وتعاطت معها سياسياً وانتخابياً واقتصادياً... وما رح زيد أكتر!

وأضافت نجم كتيلي: يعني مش كتير لائق حدا كان جزء من هالمرحلة يطلع اليوم يحاضر غيره بالسيادة وكأنو التاريخ بلّش معو لما استأجر آرمة حزبو!
التيار ما بيحتاج دروس بالوطنية لا منّك ولا من غيرك، وخصوصاً من ناس عندها تاريخ سياسي طويل، مش كلّو قابل للمحو بتصريح أو موقف موسمي أو مزايدات شعبوية.

وختمت نجم كتيلي: العتب مش عليك. العتب على يلّي عطاك منبر وكلمة!