إبنة الشهيد المغوار جورج بو صعب: "العتب على الشعب المبنّج يلي شايف وعارف وساكت"!

كتبت أونيل بو صعب ابنة الشهيد المغوار جورج بو صعب:
راحوا كرمال شو وكرمال مين؟
كرمال شعب منحطّ أخلاقيًا وثقافيًا ووطنيًا، ما بيهمّو غير المظاهر والسطحيات.
شعب بيركض ركض ورا التراندز وسخافات التيكتوك، وبس يصير في استحقاق وطني، ما بقى منسمع حسّو.

شعب أصلًا ما بيتذكّر لحتى ينسى، لأنو آخر همّو مين بيروح، وإذا بيبقى أصلًا شي من هالبلد.

وأكدت بو صعب: "العتب مش على نواب الذل، لأنّو من زمان معروف مين المرهون والخاين والفاسد، ومين الآدمي والوطني والحرّ".

العتب على الشعب المبنّج، يلي شايف وعارف وساكت… لأنّو ما بيهمّو غير حالو ومصلحتو.

ما بتستاهلوا الواحد يتعب ويضحّي ويناضل كرمالكن.
ما بتستاهلوا الواحد حتى ينجرح جرح صغير كرمالكن.

بالزيادة عليكن هيك نواب، وهيك سلطة.
الله يخليلكن الطايفة، والأحزاب المأجورة، والسهرات والضهرات.
ونيال يلي راح وما شاف هالمسخرة.