عطالله: " شو هالمزرعة!"

كتب النائب غسان عطالله عبر صفحته ما يلي :

" المعطيات واضحة: نفايات كيماوية من معملي الجية ودير عمار نُقلت إلى #مرج_بسري وطُمرت هناك. وهون السؤال لكل اللي أقاموا الدنيا وما قعدوها يوم كان مطروح مشروع سدّ بسري: وينكن اليوم؟ وين صراخكن؟ وين حملاتكن؟ وين شعارات حماية البيئة اللي ملأتوا فيها البلد؟ يومها رفضتوا مشروع كان من المفترض يؤمّن المياه للشوف وساحل الشوف وبيروت، ويفتح أمام المنطقة فرص كبيرة على المستوى البيئي والسياحي والاقتصادي والإنمائي. حاربتوا السد بحجة حماية الطبيعة ومنع التلوث. واليوم، بدل ما يكون مرج بسري خزان مياه بيخدم الناس، عم يتحوّل إلى مكب للنفايات الكيماوية! هيدا هو الإنجاز البيئي تبعكن؟ هيدا هو البديل اللي ناضلتوا كرماله؟ كان المطلوب نعبي بسري مي، فإذا في ناس قررت تعبيه نفايات كيماوية، فهني مدينين للبنانيين بألف جواب وجواب.

والسؤال الأكبر: وين وزارة الطاقة؟ وزارة يُفترض أن تكون مسؤولة عن المياه والكهرباء، فإذا كانت عاجزة عن تأمين الاثنين، وفوقها يُسمح بتحويل مواقع استراتيجية إلى أماكن لطمر النفايات الكيماوية، فنحن أمام فشل كامل في إدارة هذا القطاع.

من الكهرباء إلى المياه إلى البيئة، الأداء واحد: فشل فوق فشل، واللبناني هو الذي يدفع الثمن! شو هالمزرعة!"