شقيقة النقيب الشهيد سامر طانيوس تشن هجوماً عنيفاً بعد إطلاق سراح شاكر!

كتبت شقيقة النقيب الشهيد في معارك عبرا سامر طانيوس تعليقا على خبر اطلاق سراح فضل شاكر التالي: "اليوم ما انكسر قلبي و قلب أمي و بيي و أخواتي بس... اليوم انكسرت آخر ذرة ثقة بهالدولة.

خيي استشهد بعبرا وهو لابس بدلتو العسكرية، عم يدافع عن وطنه. متل كل رفقاتو يلي استشهدوا لأنن آمنوا بلبنان.

واضافت: خيي ورفقاتو ما كانوا أرقام، كانوا شباب عندن أهل وبيوت وأحلام. دفعوا حياتن كرمال يبقى الجيش واقف.

واليوم، و بكل بساطة، بيطلع قرار إخلاء سبيل فضل شاكر.
عن أي عدالة عم تحكوا إذا يلي وقف مع المجموعة المسلحة يلي قتلت جيشنا بيصير حر.

وعن أي هيبة دولة إذا العسكري اللي استشهد دفاعاً عن لبنان بيصير دمو أرخص من أي اعتبار تاني؟

قال وضع صحي... طيب، ووضع أهل الشهداء؟ مين سأل عن صحتن النفسية من يوم استشهدوا ولليوم؟ مين عالج قلب أم دفنت ابنها"؟.