HI,{{username}}
Manage account
Change password
HEADLINES
{{headlineCount}} new {{headlineCount == 1 ? 'update' : 'updates'}}
+ MORE HEADLINES

ليش لازم كلنا ننزل على الارض بـ"11 تشرين الاول" (سمير مسره)

6
OCTOBER
2015
  • {{article.caption}}
  • {{article.caption}}
A
+
A
-
Print
Email
Email
A
+
A
-

سمير مسره -
الجواب على هالسؤال واضح وبيتلخص بالاسباب التالية:

اولاً، لانو هو يوم احتفال عظيم لنهار مميز بتاريخ لبنان، قدر الحق من خلالو يهزم الباطل. رغم مرارة الانكسار والخيبة آنذاك، شكلت معركة 13 تشرين الاول منعطفاً تاريخياً انتج بعد سنين طويلة من النضال والعذاب تحريرأً كاملاً للارض، وهو حلم راود كل اللبنانيين ان كان بالعلن او بالسر. لازم ننزل تيكون الاحتفال عربون وفاء للذين استشهدوا وجرحوا، و تيكون كمان بمستوى طموحات يللي عم يكملو المشوار. لازم ننزل تنفرح، ونغني، ونعبر عن فخرنا، ونرفع الرايات عالياً.

ثانياً، لانو نحنا بحاجة اكثر من اي وقت مضى للدفاع عن حقوقنا المكتسبة من خلال صناديق الاقتراع يللي بتخولنا من دون جميلة تجار الهيكل انو نوصل للحكم حتى تتسنى لنا الفرصة على الاصلاح والتغيير. حاولنا كتير نقنعن انو فينا نحقق هالهدف مع بعضنا البعض، وقلنالن انو "ما في نوى الا سوا"، بس لسؤ الحظ فضلو يديرو دينتن الطرشى ويسمعو النصائح الاقليمية والدولية يللي بتبشر بالشر وبالغاء الآخر. لازم ننزل حتى ناكدلن انو ما في حدا بيقدر يحذفنا. لازم ننزل حتى يشوفو انو ناس بيحبو الحياة مثلنا ما في حدا بيوقف بوجهن.

ثالثاً، لانو صار وقت نذكرن مين كان كل واحد منن ايام الاحتلال السوري وقت ما كانت موضة الزحف على البطون عزيزة على قلبن وعلى جيوبن، ووقت ما كان لبنان بدو حقاً ابطال علين القدر والقيمة. يمكن نسيو او تناسو كيف كانو يقعدو بحضن الوصي يللي هلق عم يتمرجلو عليه من بعيد. وين كانو وقت ما كنا بحاجة ماسة لدعمن. ليش ما قدر لسانن يللي عم بيلعلع هلق، يلفظ كلمة احتلال او تحرير. لازم ننزل حتى نوقف كلنا سد منيع بوج وقاحتن. لازم ننزل تنعرين لانن عم بيحاولو كل يوم رمي خطاياهم علينا، لازم ننزل ومعنا مرايات، بركي بيشوفو حالن فيا وبيخجلو.

رابعاً واخيراً، لانو علينا مسؤولية كبيرة تجاه اجيالنا بتحتم علينا نوعدن انو درب العذاب رح ينتهي قريباً ومشين هيك ما لازم يستسلمو لليأس والخنوع. فالدجل الى زوال، والكذب الى زوال، والفساد الى زوال، والتمديد الى زوال، والهروب من المسؤولية هي لعنة على مين عم يتلطى وراها ورح يوماً ما يتحاسب عليها.

كبار، صغار رح ننزل لاننا رح نبقى هون.

سمير مسرة,
MORE ABOUT
ADVERTISE HERE
JUST IN
TRENDING
HEADLINES
{{headlineCount}} new {{headlineCount == 1 ? 'update' : 'updates'}}
+ MORE HEADLINES
TRENDING